ငယ်ငယ်ကတည်းက စိတ်ဝင်စားလာခဲ့တဲ့ငယ်သူငယ်ချင်းလေးကို မမျှော်လင့်ဘဲ ပြန်တွေ့ရတယ် ။ အချိန်တွေကြာလာရင် တစ်နေ့တော့ သိတန်ကောင်းပါရဲ့။

ဒီနေ့ကတော့ ပျော်ရွှင်စရာ အမှတ်တရနေ့လေးပါ။

သူငယ်ချင်းတွေနဲ့အတူ နံနက်စာစား ဘုရားသွား နေ့လည် သူငယ်ချင်းအလုပ်မှာ ခဏနား နေ့လည်စာစား survey interview  ဖြေ အဲကမှ တဆင့် ice cream စား shopping ပတ် လမ်းမှာကားဘီးပေါက်လို့ ပြင် တစ်နေ့လုံး မနက်ခြောက်နာရီကတည်းကထွက်လာတာ ညနေခြောက်နာရီမှ အိမ်ပြန်ရောက်တယ်။

တကယ့်ကိုပျော်စရာနေ့လေးပါ ။

အခုဆိုရင်တော့  ကျမသိလိုက်ပြီ ။

တကယ်ဆို တစ်ချို့အရာအားလုံးကို စိတ်ထဲ သိပ်ထားနေစရာမလိုတာ။

စိတ်ထဲအရမ်းထားနေရင် ကိုယ်ပဲခံစားနေရမယ်ဆိုတာ ကျမသိလိုက်ပီ။

တစ်ချို့အရာတွေက စိတ်ထဲထားနေဖို့ မတန်ဘူး ။

အလွန့်အလွန် စန်းစန်းတင့်ဖြစ်

တစ်ခုခုဆို စိတ်ခံစားလွယ် ဝမ်းသာဝမ်းနည်းလွယ်

ဒေါသဖြစ်လွယ်တတ်တဲ့ အကျင့်တွေပြင်မှပါလေ

ကိုယ်ဟာ မရင့်ကျက်သေးတဲ့ လူတစ်ယောက်ပါ ။

ထိုင်းဆိုင်တစ်ခုမှာ ငါစားနေရင်းနဲ့

နင်နေတဲ့မြို့မှာ စားခဲ့တဲ့ ထိုင်းဆိုင်လေးအကြောင်းစဉ်းစားနေမိတယ်။

အဲဒီဆိုင်လေးမှာ နင်ရယ် ငါရယ် ငါ့အမေရယ် 

ပြီးတော့ ငါတို့ မိတ်ဆွေနှစ်ယောက်ရယ်

ငါ့အတွက် အရမ်းကိုပျော်ရွှင်ရတဲ့ ညနေခင်းတစ်ခုပါ ညီ

ငါတို့အကြိုက်ဆုံး အစားအစာတွေကို တူတူစားကြတယ်

စကားတွေပြောကြတယ်

ပြီးတော့ ဓါတ်ပုံတွေရိုက်ကြတယ်

အဲဒီကင်မရာလေးထဲမှာ မဖုံးနိုင် မဖိနိုင် ပျော်ရွှင်နေတဲ့ မျက်နှာနဲ့ နင့်လက်ကို အားကိုးတကြီးကိုင်ထားတဲ့ ကလေးမလေးရဲ့ ဓါတ်ပုံလေးက နင့်ဆီမှာ ခုထိရှိနေဖို့ မျှော်လင့်ပါတယ်။

အချိန်တွေကလဲ ကုန်မြန်လိုက်တာ ညီရေ 

ငါတို့တွေဝေးသွားတာ သိပ်ကိုကြာသွားသလိုထင်ရပေမယ့် ငါခံစားရတာတွေက မနေ့တစ်နေ့ကလိုပါပဲ ။

အချိန်တွေ အများကြီးကြာသွားလို့ အတိတ်ကို အပြုံးနဲ့ပြောနိုင်တဲ့အချိန် 

ငါတို့ပြန်တွေ့ကြရအောင်။

ငှက်ကလေးတွေ တီးတိုးပြောသံတွေနဲ့ ငါရဲ့မနက်ခင်းလေးက နင့်ကိုလွမ်းတဲ့ အလွမ်းတွေနဲ့ မှုန်မှိုင်းနေတယ်

ချမ်းစိမ့်စိမ့်ဖြစ်နေတဲ့ မနက်ခင်းမှာ ငါတစ်ယောက်ထဲ ဝရန်တာမှာ ရပ်ရင်း မျက်ရည်ဝဲနေမိတယ် ။

နင်ရှိတဲ့ အရပ်မှာ ခုအချိန်ဆို ညပဲလေ။

နင်နှစ်ခြိုက်စွာအိပ်ပျော်နေမလား

ငါ့အကြောင်းတွေးနေမလား

အရင်လိုပဲအလုပ်တွေရှုပ်နေမလား

ငါတို့ပျော်ရွှင်ခဲ့ဘူးတဲ့ ညနေခင်းကိုပဲသတိရနေမလား

နင်မှမရှိဘဲကွယ် 

ဘယ်လိုအရာတွေနဲ့များ ငါအသက်ရှင်ရပ်တည်ရမလဲ ။

ညီ ဆိုတဲ့ နာမည်လေးက ငါချစ်စနိုးနဲ့ နင့်ကိုခေါ်ခဲ့တာပါ ။

အခုထိ အဲဒီနာမည်ကစွဲနေတုန်းပဲ

ငါတို့တွေကြားမှာ ဘာလျှို့ဝှက်ချက်မှမရှိဘူး

ငါတို့တွေမှာစောင့်ထိန်းမှုတွေရှိတယ်

တစ်ယောက်ကိုတစ်ယောက်နားလည်တယ်

ဝါသနာတူကြတယ်

နင်အကူအညီလိုတဲ့ အချိန်တိုင်း ငါအနားမှာရှိခဲ့တယ်

ငါစိတ်ဓါတ်တွေကျလို့ အဝေးမှာငိုနေတဲ့အချိန်တိုင်း နင်ကညလုံးပေါက် ဖုန်းထဲကနေငါ့ကိုအားပေးခဲ့တယ်

ငါ့ဟာတကယ်တမ်းတော့ ပျော့ညံ့ပါတယ် ညီ

အမြဲတမ်းပြုံးနေတတ်ပေမယ့် ငါ့မှာလဲ ဝမ်းနည်းစရာဆိုတာရှိပါတယ်

နင်နဲ့ဝေးကွာပြီးတဲ့နောက်ပိုင်း ငါဟာ ပြုံးရီဖို့ အသက်ရှူဖို့ကို အတော်လေးမေ့နေခဲ့တယ်

လအတော်ကြာတဲ့အထိ ငါနေသားမကျခဲ့ဘူး

တကယ်တမ်းတော့ ငါက နင့်ကိုစွန့်ခွာခဲ့သူပါ 

အဲဒီအတွက် နင်ဘယ်တော့မှခွင့်မလွှတ်လိုက်ပါနဲ့ 

ချစ်လျှက်နဲ့ ငါစွန့်ခွာခဲ့တာပါ ညီ

နင့်ကို ငါ့ထက်ပိုချစ်နိုင်မယိ့သူတွေ့ပြီး နင်ပျော်ရွှင်ဖို့ကိုပဲ ငါဆုတောင်းနေဆဲပါ 

ငါ့ကိုယ်ငါ ဆုတောင်းခဲ့တယ် ညီ

နင်မှလွဲလို့ ငါဘဝမှာအရာရာပြည့်စုံပါစေသား။

အသဲကွဲတယ်ဆိုတာ နံရိုးကျိုးသလိုပဲ

ဘယ်သူမှမမြင်ရပါဘူး

ဒါပေမယ့် အသက်ရှုတိုင်းတစ်ခါနာတယ်။

ဒီနေ့ ဖတ်မိတဲ့စာသားလေးပါ ညီ

ငါ့အဖြစ်ကလဲ အဲလိုပါပဲ 

ဖြစ်သင့်တာနဲ့ ဖြစ်ချင်တာကို ရွေးချယ်ရင်း ငါ့လမ်းငါလျှောက်ခဲ့ရတယ် ။

အဝေးကြီးမှာ တစ်ယောက်ထဲ နင့်ကိုထားခဲ့ရတာ ခုထိ စိတ်ထဲမှာ ဝမ်းနည်းမိနေတုန်းပဲ ။

ဘယ်လိုအရာတွေဘယ်လိုပဲ ပြောင်းလဲပါစေ 

နင့်ကိုချစ်ခဲ့တဲ့ ချစ်နေဆဲဖြစ်တဲ့ ငါ့ရဲ့စိတ်ကပြောင်းလဲသွားမယ်မထင်ဘူး ညီ။

အတော်ကြာမဖြစ်တာကြာပြီဖြစ်တဲ့

နင့်ကို သတိရတဲ့မနက်ခင်းကို ငါပြန်ရတယ် ညီ 

ငါတို့က အမြဲ connected ဖြစ်နေတယ်လို့ နင်အမြဲ ပြောဖူးတယ်နော်

ဒါဆို နင့်ကို သတိရတမ်းတနေတဲ့ ငါ့အဖြစ်ကို နင်သိနိုင်မလား။

I make it ok but I miss you .

ကျမချစ်ရသော ညီသို့

လူဆိုတာက အသက်အရွယ်ကြီးရင့်လာတာနဲ့အမျှ ထိန်းချုပ်မှုတွေကအနည်းနဲ့အများဆိုသလိုရှိလာခဲ့
ကြတယ်ထင်ပါရဲ့ ။

ဒီနေ့မနက်ပျော်နေတဲ့ အပျော်လေးက
နင့်ကိုသတိရတဲ့ စိတ်ရော အလုပ်မှာရှိတဲ့ Stress ရယ်ပေါင်းပြီး ငါငိုချင်နေတယ်
တစ်ခါတစ်လေ ငါမလုပ်မိလိုက်တဲ့ ကိစ္စတစ်ချို့အတွက် နှမြောတသဖြစ်မိတယ်
မလုပ်မိလိုက်လေခြင်းဆိုပြီးနောင်တရမိတဲ့ အထဲမှာ
နင့်ကိုဒီအတိုင်းပစ်ထားပြီး ငါနင်မသိအောင်ဒီမြေကိုနင်းခဲ့တဲ့ ကိစ္စလဲ အပါအ၀င်ပေါ့ ညီ။

ငါတစ်ကယ်ပဲ တစ်ယောက်ယောက်ကို ဖက်ပြီး ၀မ်းပန်းတနည်းငိုချင်တဲ့စိတ်တွေကို ထိန်းချုပ်ထားရတယ်။

ငိုကြွေးခြင်းကို ထိန်းချုပ်တာ ကျန်းမာရေးအတွက်မကောင်းဘူးဆိုတာ ငါသိပေမယ့်
အသက်အရွယ်ကြီးလာတာနဲ့အမျှ ငါတို့တွေဟာ ထိန်းချုပ်မှုတွေပိုများလာတယ်လို့ ခံစားမိတယ်
 ။
ငါဒီနေ့ တစ်ယောက်ထဲ အထီးကျန်သလို ခံစားနေရတယ် လို့ အရင်လို နင့်ကိုရင်ဖွင့်လို့မရတဲ့အခါ
တိတ်တိတ်ကလေး နှုတ်ခမ်းကိုက်ရင်း မျက်ရည်ဝဲမိတယ်။
ဒီအမူအရာကို နင်မြင်ရင် သိမှာပါ
ငါဝမ်းနည်းရင် အမြဲလုပ်တတ်တဲ့အရာ

ထိန်းချုပ်မှုတွေများလာတာနဲ့အမျှ ငါဟာ ပိုရင့်ကျက်သွားတယ်လို့ ကိုယ့်ကိုယ်ကို မခံယူမိသေးဘူး
တကယ်ဆို ငါဟာ ခုထိကလေးဆန်နေတုန်းပါ
မေ့သွားပါပြီလို့ ထင်ခဲ့တဲ့ နင့်အကြောင်းတွေ နင်နဲ့ပတ်သက်ခဲ့တဲ့အတိတ်ကို ငါမမေ့နိုင်ခဲ့သေးဘူးပဲ
နင်ကတော့ ပြတ်သားခဲ့ပါတယ် အခုလို ငါ့ကိုတစ်ယောက်ထဲအထီးကျန်ဘ၀မှာ နစ်ဝင်တွယ်တာအောင်
 နင်လုပ်နိုင်ခဲ့ပါတယ်
ငါရှုသွင်းနေတဲ့ လေထုက အေးစက်နေတာပဲ ညီ
ငါထိုင်နေတဲ့ အခန်းငယ်လေးကလဲ မှုန်မှိုင်းနေလို့
ငါကတော့နင့်အကြောင်းတွေးပြီးမျက်ရည်ဝဲနေမိတုန်းပဲ
ဘာဖြစ်တာလဲ
ဘာကြောင့်လဲ
ငါအခုအထိ အဖြေမရှာနိုင်သေးဘဲ တစ်ယောက်ထဲ အတိတ်တွေမှာ ပိတ်မိနေတုန်းပဲ
နင့်ကိုလွမ်းတဲ့စိတ်နဲ့ ဒီနေ့တော့ ငါငိုပါရစေ

ငါ့ခေါ်နေသံကို နင်ကြားသင့်နေပါပီ ညီရယ် ။
ငါ အထီးကျန်လွန်းလို့ပါ ။