သင်္ကြန်ရောက်တော့မယ်

သင်္ကြန်ရောက်တော့မယ်ဆိုရင်ငုပန်းနဲ့ ပိတောက်ပန်းတွေကအပြိုင်ပွင့်နေကြပြီ
အိမ်ရှေ့ကငုပင်ကြီးကလဲပိတောက်တွေနဲ့အပြိုင်ပွင့်လို့
လူကြီးမင်းတို့ရော သင်္ကြန်မှာဘာလုပ်ကြမှာတုန်း
အဝေးရောက်နေတဲ့ဗမာတွေရော အမိမြေမှာရှိတဲ့ဗမာတွေပါပျော်ကြတဲ့ပွဲပေါ့
တစ်နှစ်မှာတစ်ခါ ရေလောင်းကျ ပျော်ရွင်ကြနဲ့ စတုဒီသာတွေကျွေးမွေးရင်း
အချင်းချင်းရင်းနှီးမှုတိုးတဲ့ပွဲဆိုလဲမမှားပါဘူး
သင်္ကြန်ပွဲကိုအွန်လိုင်းကနေခံစားချင်တယ်ဆိုရင်တော့
www.planet.com.mm/thingyan မှာ ခံစားနိုင်ပါတယ်
သင်္ကြန်မှာ အားလုံးပျော်ရွင်ပါစေလို့ဆုတောင်းပါတယ်

မပွင့်နိုင်သေးတဲ့ပိတောက်

နှင်းတွေလဲ မကုန်သေး
အနည်းအကျဥ်းနဲ့
နံနက်စောစောဝေလီဝေလင်း
မရောက်သေးတဲ့အတာရေ
မင်းကိုငါလွမ်းတယ်

လ္ဘက်ရည်ဆိုင်ထဲမှာ
ပြေးပြေးလွှားလွှား ကားတွေပေါ်မှာ
လမ်းသွားရင်းကြားနေရတဲ့
သင်္ကြန်သီချင်းတွေ
မင်းကိုလွမ်းဖို့
အားဖြည့်ပေးနေလေရဲ့

မြူတွေဆိုင်းမှိုင်းမှုန်လို့
ရွာမယောင်မိုးပြေး
ပိတောက်တွေ ပွင့်ဖို့များ
အားယူလေရော့သလား

နှစ်တွေတိုင်းမှာ
သင်္ကြန်သီချင်းသံတွေကြားတိုင်း
မရောက်သေးတဲ့ သင်္ကြန်ကိုလွမ်းတယ်
ပိတောက်နဲ့အတူ မရဖူးသေးတဲ့
ချစ်ခြင်းကိုပါလွမ်းတယ်။

ဗဟုသုတဟင်းလေးအိုးကြီးပါ။
ပညာရှိတွေ၊အကျော်အမော်ပုဂ္ဂိုလ်တွေရဲ့စကားတွေ၊မှတ်ချက်တွေကိုလည်းလေ့လာနိုင်မှာ
ုဖြစ်တဲ့အတွက် အဲဒီပုဂ္ဂိုလ်ရဲ့သမိုင်းကြောင်းတွေ၊သူ့ခေတ်ရဲ့ယဉ်ကျေးမှု၊
အတွေးအခေါ်တွေနဲ့လူမှုဘ၀ရှင်သန်ရပ်တည်ပုံတွေကိုယှဉ်တွဲလေ့လာနိုင်ပြီး
ဘ၀အသိအမြင်တွေ ၊အတွေးအခေါ်တွေအမြင်သစ်တွေရရှိနိုင်ပါတယ်။
http://www.wisdomquotes.com

အမျိုးသမီးတွေအတွက်အထူးပြုလုပ်ထားတဲ့ဖက်ရှင်ဆိုဒ်တစ်ခုဖြစ်ပါတယ်။
ဝင်လည်ကြည့်လိုက်ပေါ့နော် ...... တော်တော်များများဖတ်ချင်ကြည့်ချင်ရင်တော့
Sign in လုပ်ပြီးမှကြည့်လို့ရမှာပါ ။
ဆိုဒ်လိပ်စာကတော့ http://fashion.about.com

--------------------------------------------------------------------------------------------------------------

ဒါကတော့အဖွဲ့အစည်းတစ်ခုကတင်ထားတဲ့ဆိုဒ်ကလေးပါ။ပုံမှန်လူမှုရေးဆိုက်တစ်ခုလိုဘဲ
လိုတဲ့အကြောင်းအရာတွေကိုစုံလင်အောင်ထည့်ပေးထာပါတယ်။လှုဒါန်းချင်တဲ့သူတွေကိုလဲ
လှုနီုင်အောင်လုပ်ပေးထားပါတယ်။
လစဉ်ထည့်ဝင်ချင်လျှင်တော့၂၅ ဒေါ်လာသာကောက်ခံမှာဖြစ်ပါတယ်။
ဒီဆိုက်ကိုတင်ထားတဲ့အဖွဲ့အစည်းကဖွံ့ဖြိုးဆဲနိုင်ငံတွေမှာ လူမှုဘ၀ရှင်သန်နိုင်ဖို့အတွက်
စိုက်ပျိုးရေးကဏ္ဍတွေကိုလူပုဂ္ဂိုလ်အလိုက်ကူညီတဲ့အဖွဲ့အစည်းဖြစ်ပါတယ်။
ဆိုက်နာမည်က တော့ http://www.sustainableharvest.0rg

-----------------------------------------------------------------------------------------------------------------

ဒီဆိုက်ဟာတော့ဖြင့် အွန်လိုင်းပေါ်ကလူတွေအတွက်ပညာရေးနဲ့ဆိုင်တဲ့ကောလိပ်တွေ၊
တက္ကသိုလ်တွေတက်နိုင်ဖို့လမ်းညွန်ပေးတဲ့ဆိုက်ဖြစ်ပါတယ်။ကောလိပ်ပေါင်း 88 ခုကပရိုဂရမ်ပေါင်း
၁၀၄၈ ခုကိုလေ့လာနိုင်မှာဖြစ်ပါတယ်။အဝေးရောက်တက်နိုင်တဲ့အစီအစဉ်တွေပါထည့်သွင်း
ပေးထားတာပါ။တက်ရောက်ချင်တဲ့ဒီဂရီအဆင့်နဲ့ဘာသာရပ်တွကိုရွေးချယ်ပြီးလေ့လာနိုင်ဖို့စီစဉ်
ပေးထားပါတယ်။
အခမဲ့တက်ချင်သူတွေအတွက် အတန်း၂၀၀ ကိုလည်းစီစဉ်ပေးထားပါတယ်။နိုင်ငံရပ်ခြားမှာပညာသင်
လိုသူတွေအတွက်တော့ရွှေအိုးကြီးကောက်ရသလိုခံစားရမည့်အချိန်တစ်ခုဖြစ်ပါတယ်။
မိမိဘာသာကြိုးစားရမှာဆိုပေမဲ့စနစ်တကျတော့ပိုဖြစ်စေမှာပါ။
ဆိုက်လင့်က http://oedb.org

ကျွန်မရဲ့အိမ်(နွေးထွေးသောအိမ်ကလေး)

မနက်အိပ်ရာကနိုးနိုးချင်း ပိတောက်ပန်းနံ့ကလေးကကြိုနေပါတယ်
အဒေါ်က ၀မ်းသာအားရနဲ့ ပိတောက်တွေခူးနေပါတယ်
အိမ်ရှေ့မှာသရက်ပင် အိမ်ဘေးမှာ ပိန္နဲပင် ကလဲ ဒီနှစ်မှာ ပိုသီးနေပါတယ်
အိမ်ရဲ့ဘေးလေးမှာမှပိတောက်ပင်ကြီးရှိပါတယ်
ကျွန်မတို့အိမ်ရှေ့မှာပန်းခြံကလေးရှိတယ် ကျွန်မလက်စွမ်း
ပြထားတာပေါ့ ဟဲဟဲ.....ရှုပ်ပွနေတဲ့ပန်းခြံလေးပါ
နှင်းဆီပန်းပင်နဲ့လေးနာရီ(အပျိုမနိုင်)ပန်းတွေလဲအိမ်ဘေးတစ်လျှောက်
စိုက်ထားတယ်
အမေက သူ့အိမ်လေးကိုအရမ်းချစ်တယ်
အမေကိုတိုင်ဒီဇိုင်းဆွဲပြီးဆောက်ထားတာကိုး
ကျွန်မတို့အိမ်လေးကသိပ်မကျဉ်းသလိုကျယ်လဲမကျယ်ပါဘူး
ဘယ်ကိုပဲရောက်နေနေဘယ်လောက်ကောင်းတဲ့အခန်းမှာပဲ
နေရနေရ ကျွန်မကတော့ကျွန်မတို့အိမ်ကလေးကကျွန်မအခန်း
လေးကိုပဲချစ်တယ်
လမ်းကြုံရင် ကျွန်မအိမ်ကလေးကိုတစ်ခါလောက်
အလည်လာပါလို့ဖိတ်ပါတယ်
နွေးထွေးတဲ့ပန်းရနံ့တွေနဲ့ထုံမွှမ်းနေတဲ့အိမ်ကလေးပါ။

အလင်းတန်းဂျာနယ်ဖတ်ချင်သူများအတွက်

http://alinntan.blogspot.com

ဆိုတဲ့ဘလော့လိပ်စာကတော့ပြည်တွင်ထုတ်သတင်းဂျာနယ်တစ်စောင်
ဖြစ်တဲ့အလင်းတန်းဂျာနယ်ရဲ့ဘလော့ပဲဖြစ်ပါတယ်။

www.htetnaing-tlm.blogspot.com ရဲ့သတိရလို့ ဖုန်းဆက်လိုက်တာပါ ၀တ္တုတိုလေးပါ။
ဖတ်ကြည့်ပေးပါအုံးနော်။

(၁)
ကမ္ဘာကြီး ........
သတိရလို့ဖုန်းဆက်လိုက်တာပါ ။ ကျွန်တော်ခင်ဗျားကို သိပ်သတိရတာပဲ။
ခင်ဗျားအကြောင်းလဲခဏခဏစဉ်းစားနေမိတယ်။
တကယ်တော့ ကျွန်တော်တို့ကခင်ဗျားကိုတည်မှီပေါက်ဖွားရှင်သန်ရတဲ့
ဗိုင်းရပ်သေးသေးလေးတွေမဟုတ်လား။တကယ်ပြောတာပါ။
၂၀၀၇ က ကျွန်တော့်ရင်ထဲကိုကြေကွဲဝမ်းနည်းစရာတွေတော်တော်များများ
ထည့်ပေးလိုက်တယ်။သံမံတလင်းပေါ်ဖန်ခွက်ကျကွဲသလိုကျွန်တော့်နှလုံးသား
တွေကြေမွခဲ့ရတယ်။ကျွန်တော့်စိတ်တွေဆောက်တည်ရာမရခဲ့ဘူး။
သည်နှစ်ထဲမှာ ကျွန်တော့်ကျန်းမာရေးကလဲအရမ်းခြူခြာတာပဲ။
အနာဂါတ်မဲ့နေသလို ခံစားရတယ်။ပတ်ဝန်းကျင်နဲ့လဲခပ်ကင်းကင်းနေချင်
နေမိတယ်။စိတ်ကျဝေဒနာများခံစားနေရသလားလို့ကိုယ့်ကိုကိုယ်စမ်းစစ်
နေမိတယ်။တော်သေးတာပေါ့။ကျွန်တော့်စိတ်ကအသံမြည်နေသေးလို့။

(၂)
နှစ်သစ်မကူးခင်က ဇာတိမြေကို ကျွန်တော်ပြန်ဖြစ်သေးတယ်။
(ခင်ဗျားဘက်ကကြည့်ရင် သည်ကိစ္စကတော်တော်ရီစရာကောင်းမှာ၊
ကမ္ဘာမြေကိုက ကျွန်တော်တို့ဇာတိပဲမဟုတ်လား၊)ထားပါတော့။
ကျွန်တော်အဓိကပြောချင်တာကမိဘတွေဆီပြန်ခဲ့တဲ့ကိစ္စပါ။
တောသူတောင်သားတွေဆိုတော့ရွာလွမ်းစိတ်အခံလေးကရှိသေး
တာကိုးဗျ။နေကလဲအရမ်းပူတာပါ။အ၀ါရောင်တွေအရည်ပျော်ကျမတတ်ပဲ။
သည်နိုဝင်ဘာ၊ဒီဇင်ဘာဆိုတာက ကျွန်တော်တို့ဒေသမှာတောင်သူလုပ်ငန်း
ဝင်ချိန်လေ။ရွာမှာရှိတဲ့ လူတော်တော်များများကကြက်သွန်ခင်း၊ဆေးခင်းနဲ့၊
မြေပဲခင်းတွေဆီရောက်နေကြတာများပါတယ်။ပြီးတော့ကျွန်တော်တို့ရွာနဲ့
ဝေးနေခဲ့တာ နှစ်ပေါင်းနှစ်ဆယ်ရှိပြီ။သုံးလေးနှစ်နေမှတစ်ခါကျင်းပဲပြန်ဖြစ်တာ
ပါ။ပြီးတော့ကျွန်တော်တို့ရွာရဲ့ဘာသာစကားကလဲအတော်အတန်ခြားနားနေခဲ့
တယ်။ကျောင်းနေဘက်သူငယ်ချင်းတွေလဲမရှိသလောက်ပါပဲ။သူတို့လဲသူတို့
ရောက်ရာဘ၀မှာပျော်နေကြတာပါ။လူတစ်ယောက်မှာ ပြောစရာစကားမဲ့တာ
လောက်အခံရခက်တာမရှိဘူး။

(၃)
ပျင်းပျင်းရှိတာနဲ့မြေနုကျွန်းတွေဘက်ကျွန်တော်ထွက်ခဲ့တယ်။ပြောရဦးမယ်။
ကျွန်တော်တို့ရွာကဧရာဝတီမြစ်နဲ့နှစ်မိုင်လောက်ဝေးတယ်။ဧရာဝတီမြစ်ရေ
တက်ချိန်ဆိုရွာအနောက်ဘက်ကိုင်းပြင်ကြီးဟာရေတွေချည်းပဲ။လောင်းလှေ
တွေတလွှားလွှားသွားခဲ့တာသတိရနေမိသေးတယ်။မြေနုကျွန်းမရောက်ခင်
ကန်ဇင်းပင်ရိုးဆိုတာဖြတ်ရသေးတယ်။ကန်ဇင်းပင်ရိုးရေက လူမမှီလို့လှေနဲ့
ဖြတ်ရသေးတာ။ကူးတို့ပို့တဲ့ကလေးလေးက သူစိမ်းတစ်ယောက်လို
ကျွန်တော့်ကိုခပ်ငေးငေးကြည့်နေတယ်။ကျွန်တော်ဟာသည်ရွာသား
စစ်စစ်တစ်ယောက်ဆိုတာသူမသိရှာဘူး။ကလေးကကျွန်တော့်ကိုသူစိမ်း
တစ်ယောက်လို့ပဲထင်နေမိတယ်။"အစ်ကိုကြီးရေကြောက်တတ်သလား"တဲ့။
သူကကျွန်တော့်ကိုမေးခွန်းတစ်ခုနဲ့ချည်နှောင်လိုက်တယ်။
"ရေကြောက်တာပေါ့"လို့ကျွန်တော်ကပြန်ဖြေတော့အောင်နိုင်သူတစ်ယောက်လို
ပြုံးတယ်။" ကျွန်တော်တို့ရွာသားတွေဆိုရေမကြောက်ဘူး" တဲ့။
ခါတိုင်းနှစ်တွေက သီတင်းကျွတ်ရင်ဧရာဝတီမြစ်ရေက ပြန်ကျတာပဲ။
သည်နှစ်တော့ရေထွက်ပေါက်ကန်ဇင်းပင်ရိုးကိုထိပ်ဝကနေသဲတွေဖို့သွားတော့
ရေတွေကမြစ်ထဲပြန်မဆင်းဘဲအီခံနေတယ်။ဖောက်ထုတ်လို့ကလဲမရဘူး။
သဲကြမ်းထုကြီးကတော်တော်ထူတယ်။ရေပြန်ကျမှစိုက်မယ်၊ပျိုးမယ်လို့အားခဲ
ထားတဲ့တောင်သူတွေလဲချွေးပြန်နေကြရှာတယ်။မမျှော်လင့်တဲ့ရှုထောင့်ကနေ
သဘာဝတရားကြီးရဲ့တိုက်ခိုက်မှုကိုအလူးအလဲခံလိုက်ရတယ်။

(၄)
ကူးတို့ပို့တဲ့ကလေးကိုချန်ထားပြိးမြေနုကျွန်းတွေဘက်ကျွန်တော်ဆက်ထွက်ခဲ့တယ်။
သည်နှစ်ကျွန်တော်တို့ကိုင်းက မြေပဲတွေတော်တော်ကောင်းတယ်။အရွက်လေးတွေက
ပိုးမွှားကင်းစင်ပြီးစိမ်းလဲ့နေတာ။အဖေကမြေပဲတွေတော်တော်ဥတာနှုတ်ကြည့်ခဲ့ပါလား
တဲ့။ကျွန်တော်ကနှမြောတာနဲ့နှုတ်ချိန်မရောက်သေးတဲ့မြေပဲပင်လေးတွေကိုမနှုတ်ခဲ့ဘူး။
အဖေလား .......
အဖေကတော့ ကိုင်းထဲရောက်တိုင်းမြေပဲပင်တွေဘယ်လောက်ဥသလဲလို့ခဏခဏနှုတ်ကြည့်
တယ်။ဥအနေအထားပေါ်မူတည်ပြီးသူ့ကိုင်းကနေမြေပဲဘယ်လောက်တော့ထွက်မှာလို့မှန်းတယ်။
အဖေ့မျက်နှာဟာပြုံးလဲ့နေတာပဲ။အဖေကသူ့ဘ၀ကိုဝန်ကြီးချုပ်နဲ့မလဲနိုင်ပေါင်လို့ခဏခဏပြော
တယ်။ဒီလိုနဲ့အဖေလဲအသက်အရွယ်ရင့်ရော်လာပါပြီ။ကျွန်တော်တို့မြေနုကိုင်းရဲ့အလယ်လောက်မှာ
ရှားပင်ကြီးတစ်ပင်ရှိတယ်။ပင်စည်လုံးပတ်တင်လူနှစ်ဘက်လောက်ရှိနေပြီ။ကျွန်တော်ရှားပင်အောက်
မှာထိုင်ပြီးအရှေ့ဘက်ကိုမျက်နှာမူလိုက်တယ်။ကျွန်တော်တို့ရွာကလေးဟာနေရောင်အောက်မှာ
မှိုင်းပြပြဖြစ်နေတယ်။နေ့လည်ရဲ့အပူရှိန်ကြောင့်တံလျှပ်တွေထနေတယ်။အစိမ်းရောက်ကတ္တီပါစကြီး
ဟာရွာနဲ့တစ်ဆက်တည်းပဲ။မြေပဲခင်းကိုကြည့်လိုက်၊ရွာကိုငေးလိုက်နဲ့စိတ်တွေကတောင်ရောက်
မြောက်ရောက်ပါ။ပုဂံခေတ်လောက်ကတည်းက ကျွန်တော်တို့ရွာကလေးဟာစည်ကားခဲ့တာပါ။
လွန်ခဲ့တဲ့နှစ်ပေါင်းတစ်ထောင်လောက်ကတည်းကလူတွေအခြေတကျနေထိုင်ပြီးမွေးဖွားလာလိုက်
သေဆုံးလိုက်နဲ့အခုအခြေအနေတိုင်တဲ့ထိဆိုပါတော့။ဘာမှလဲထူးထူးခြားခြားမပြောင်းလဲခဲ့ပါဘူး။
လူတွေလိုပဲမန်ကျည်းပင်နဲ့တမာပင်တွေဟာလဲရှင်သန်လိုက်၊ဓါတ်မြေသြဇာဖြစ်လိုက်နဲ့ပါ။
ကျွန်တော့်အဖိုးအဖွားတွေကိုသူတို့အဖိုးအဖွားတွေကိုမေ့ပစ်လိုက်သလိုမျိုးကျွန်တော်တို့ကိုလဲ
ကျွန်တော့်မြေးမြစ်တွေကမေ့ပစ်ကြမှာအမှန်ပါပဲ။ဒီလိုပါပဲ။စိတ်မကောင်းမဖြစ်ပါနဲ့မိတ်ဆွေကြီး။
အချိန်တန်ရင်ကျွန်တော်လဲဒီလောကကြီးကထွက်ခွာရဦးမှာပါ။

မိတ်ဆွေကြီး...........
ဆောင်းနံနက်ခင်းမှာနှင်းတွေဝေပြီးချယ်ရီတွေမှန်မှန်ဖူးပွင့်ရဲ့လား.။
မိုးလေ၀သမှန်ကန်ပြီးကောက်ပဲသီးနှံတွေဖြစ်ထွန်းရဲ့လား။
ငှက်ကလေးတွေနေရောင်ခြည်မှန်မှန်ရရဲ့လား။
ကလေးတွေရှုရှိုက်ဖို့လေကောင်းလေသန့်ရှိရဲ့လား။
ဆူနာမီတွေလာဦးမှာလား။
ခင်ဗျားရင်ခွင်ဟောင်းလောင်းဖြစ်နေတာကျွန်တော်စိတ်မကောင်းဘူး
မိတ်ဆွေကြီး.....
သတိရလို့ဖုန်းဆက်လိုက်တာပါ။
လူတွေမကောင်းဘူး
ကမ္ဘာကြီးကိုအပိုင်းပိုင်းလုပ်ပြီးသူပိုင်တယ် ငါပိုင်တယ်ဆိုပြီး ငြင်းခုံနေကြတာ
ခင်ဗျားကတော့လူတွေကိုကြည့်ပြီးပြုံးနေမလားပဲ
လူတွေမကောင်းဘူး မိတ်ဆွေကြီး
နျူကလီးယားဗုံးတွေအပြိုင်အဆိုင်ထုတ်နေကြတယ်
အမုန်းတွေ နာကြည်းမှုတွေ အတ္တတွေကြောင့်နျူကလီးယားစစ်ပွဲတွေဖြစ်ခဲ့ရင် ..............
စိတ်မကောင်းဘူးမိတ်ဆွေကြီး ....
သတိရလို့ဖုန်းဆက်လိုက်တာပါ။