တစ်ခါတစ်လေ အမေနဲ့ပတ်သက်သျှကိုတွေးမိတယ်
အမေနဲ့ကျွန်မကြားမှာ ကွက်လပ်တွေများရှိနေလားလို့ ..........
အဲလိုစဉ်းစားမိရင် ပြန်ဖြေမိတယ် ဟင့်အင်း လို့ .......
အမေက ကျွန်မတို့ကိုအရမ်းချစ်တယ် အထူးသဖြင့်မောင်လေးကိုပိုတယ်
(ချွင်းချက်....... မောင်လေးအပေါ်မျာတော့အမေကကျွန်မထက်ပိုချစ်တယ်)
အမေနဲ့ဝေးဝေးမှာပဲနေရတယ် .........မနီးတာလား .......ဝေးနေတာလား....... နီးလျက်နဲ့ဝေးနေတာလား...... ပြန်တွေးမိနေတယ်
အမေနဲ့ငယ်ငယ်ကတည်းက ဝေးနေရတယ်...... မှတ်မိသေးတယ်
အလယ်တန်းကျောင်းတစ်ကျောင်းမှာ .......ကျောင်းသားအသစ် ကျွန်မနဲ့မောင်လေးက
အမေကလိုက်အပ်ပေးတယ်....... နောက်တော့ကျွန်မတို့နှစ်ဝက်ရောက်တော့အမေနိုင်ငံခြားထွက်သွားတယ်
တခြားအမေတွေစာမေးပွဲခန်းလိုက်စောင့်ပေးတဲ့အချိန်မှာ ကျွန်မငေးကြည့်နေမိတယ်.......
အမေသာအဲလိုလိုက်စောင့်ပေးရင်သိပ်ကောင်းမှာပဲလို့.........
ဒီအတွေးကိုအခုထက်ထိ ကလေးဆန်တယ်လို့မတွေးဘူး........ တစ်ခါတစ်ရံအမေ့ကိုပြောချင်တဲ့စကားတွေရှိတယ်
ဒါပေမယ့်အမေကကျွန်မအနားမှာမရှိဘူး.......အမေ့ကိုကျွန်မနဲ့နီးနီးလေးမှာရှိချင်တာ(မောင်လေးကအခုထိအမေနဲ့တစ်ခန်းထ
ဲအိပ်တုန်းပဲ ...... သူကကလေးပိုဆန်ပြလေ ကျွန်မကလူကြီးပိုဆန်လေပေါ့..... ကျွန်မလဲအမေ့ကိုချစ်တာပဲ)
အမှတ်ရဆုံးအဖြစ်အပျက်ကတော့ ..........
ကွန်မက ရွှေတိဂုံဘုရားမှာ တံမြက်စည်းလှဲတဲ့အသင်းဝင်တယ် အပတ်စဉ် တနင်္ဂနွေတိုင်းပေါ့
အဲဒီနေ့မှာ ဆွမ်းတော်ကြီးကပ်ပွဲလဲရှိတယ် .......အိမ်ကလူတွေကိုအားနာလို့ မနက်အစောကြီးလိုက်မပို့ခိုင်းချင်တာနဲ့
အလုပ်ကအပြန်ဘုရားကိုတန်းသွားလိုက်တယ်.........အိမ်ကိုတော့ဖုန်းဆက်ပြောလိုက်တယ်.........
ဘုရားမှာအိပ်တယ်....... ညနေစောင်းတော့အိမ်ကိုသတိရလာတယ် ........ညဘက်ရောက်တော့ပိုဆိုးတယ်......
လူကမျက်ရည်ဝိုင်းလာတယ်....... အခုနေပြန်လို့ကလဲမရတော့တာနဲ့ကြိတ်မှိတ်ပြီးအိပ်တော့တာပဲ..........
မနက်ကျတော့ ဆွမ်းကပ်ပြီးတာနဲ့အိမ်ကိုပြန်ပြေးတော့တာပဲ ....... အိမ်မှာအမေရှိတယ်.......လုံခြုံသလိုခံစားရတယ်
အမေကဘာမှတော့မပြောပါဘူး......စကားတစ်ခွန်းပဲပြောတယ်........နောက်တစ်ခါအဲလိုမလုပ်ပါနဲ့သဇင်လေးရယ် တဲ့.......
ကျွန်မအရမ်းဝမ်းနည်းသွားတယ် ....... ဂတိတစ်ခုပေးလိုက်တယ်......အမေစိတ်ဆင်းရဲစေမယ့်ကိစ္စမှန်မသျှကျွန်မမလုပ်တော့
ဘူးလို့.......... အိမ်နဲ့အမေနဲ့ကခွဲလို့ကိုမဖြစ်တာပါ.......ကျွန်မစိတ်လေဖူးတယ်........ပိုပြီးတော့လဲစိတ်လေဖူးတယ်.......
စူးစူးဝါးဝါးလဲဝမ်းနည်းဖူးတယ် ........အဝေးကိုလဲထွက်သွားဖူးတယ် ....... ဒါပေမယ့် မူလနေရာကိုပြန်ရောက်လာတယ်.......
"မေမေ" လို့ကွန်မအော်ခေါ်လိုက်တယ် ...........
ကျေးဇူးတင်ပါတယ်။
No comments:
Post a Comment